Қасым-ЖоНаурыз Тоқаев пен Эмманюэль Макрон БАҚ өкілдері үшін брифинг өткізді

2023 жылғы 1 қарашада Президент Қасым ЖоНаурыз Тоқаевтың шақыруымен елімізге Франция Президенті Эммануэль Макрон ресми сапармен келді. Кездесу нәтижесінде екі елдің Үкіметтері арасында Қазақстанда халықаралық (француз) мектептерін ашу және білім беру ұйымдарында француз тілін оқыту бойынша келісімге қол қойылды. 

Бұл сөз жоқ, отандық білім беру саласының даму бағытында тағы бір қадам жасауы. Біздің педагогтеріміз үшін тәжірибе алмасу мен кәсіби өсу мүмкіндігі. 

Француз мектептерін ашу Қазақстан мен Франция арасындағы білім, мәдениет, тіл білу бойынша ынтымақтастықтың жаңа факторы болады. Мектептерде француз тілінде оқытуға басымдық беріледі, сондай-ақ, мұндай білім беру ұйымдарында қазақ, орыс, ағылшын тілдерінде де оқытылады. 

Оқу процесіне ҚР ГОСО оқу бағдарламалары бойынша міндетті пәндер (қазақ тілі мен әдебиеті, Қазақстан тарихы мен географиясы) енгізіледі.   Біздің балаларымыз француз тілін кәсіби игеріп, оны болашақта іс жүзінде қолдануға мүмкіндік алады. 

Қазақстанда француз мектептерінің ашылуы және мектептерде француз тілінде сабақ беру туралы жаңалық мені педагог ретінде шын қуантты. Бұл кәсіби дамудың, тәжірибе мен білімімізді бөлісудің мүмкіндігі деп білемін.  

Бұл мектептерді тәмамдаған түлектер үшін еуропалық кеңістіктегі жоғары оқу орындарының есіктері айқара ашылады. Бұл отандық еңбек нарығы үшін кәсіби мықты мамандады даярлаудың тиімді мүмкіндігі.